O Concello de Vigo, dentro do programa «Camiño a Camiño 2014» e «Montes de Vigo» (propietario forestal veciñal mancomunado)  e en colaboración con Eroski, El Corte Inglés e a Mancomunidade de Montes de Vigo organiza para este domingo a 1ª Andaina polos Montes de Vigo. Trátase dunha actividade participativa e non competitiva, na que se convida a toda a cidadanía a disfrutar dos nosos montes, podendo escoller entre tres roteiros diferentes segundo distancia e dificultade:

• Andaina longa (36,9 km): PF Saiáns – PF Vixiador. Dificultade alta
• Andaina media (26 km): PF Monte dos Pozos – PF Vixiador. Dificultade media-alta
• Andaina curta (16,4 km): PF Beade – PF Vixiador. Dificultade media-baixa

A andaina toma como referencia a Senda Panorámica de Vigo (GR-53) e diversos percorridos realizados os domingos en «Camiño a Camiño», se ben nesta ocasión o percorrido realízase integramente polo termo municipal e logra pasar por once das 13 comunidades de montes existentes (San Xurxo de Saiáns, San Miguel de Oia, Coruxo, San Andrés de Comesaña, Matamá, Valladares, Zamáns, Beade, Bembrive, Cabral e Candeán).

• Preinscrición: chamando ao 010 (para móbiles: 986810260)
• Inscrición definitiva na Casa da Xuventude (r/López Mora, 31, de 09:00 a 14:00 e de 17:00 a 20:00), onde se cubrirá a ficha de inscrición, se aboarán os 2€ de autobús (1€ para menores de 12 anos) e se recibirá a tarxeta de participante co número correspondente, que servirá para recoller o kit de participante con material de avituallamento e promocional cortesía de Eroski o día da actividade e acceder ao autobús e un ticket para recoller na sección de deportes de El Corte Inglés a camiseta conmemorativa do evento (entre os días 12 e 16 de maio)