Obradoiro de cestería en A Cova dos Ratos todos os xoves
No centro cultural autoxestionado A Cova dos Ratos levan desde xaneiro impartindo un obradoiro gratuíto de iniciación á cestería que está a ter moito éxito. Neste obradoiro faise un percorrido polos tipos básicos de trenzado e polos distintos materiais empregados para elaborar estas pezas de artesanía que o noso entorno privilexiado nos agasalla.
Todos os xoves de 19.00 a 21.00
Este obradoiro xa vai pola décima sesión pero están encantados de recibir a novos alumnos, non necesitades ter coñecementos previos, hai varios niveis de aprendizaxe polo que ninguén que se incorpore agora quedaría descolgado. Debido á boa marcha do obradoiro están pensando en convertilo nunha actividade estable da Cova dos Ratos.
Para asistir a este obradoiro non é necesario apuntarse, tampouco levar material, xa que o proporcionan na Cova dos Ratos. Como en case todas as actividades que realizan neste local, ao final de cada sesión piden unha aportación voluntaria, para sufragar o material e así poder continuar con estas actividades.
A Cova dos Ratos está en Rúa Romil, 3
Máis información en bolezine.arkipelagos.net